BizNetwork 

танилууддаа түгээх
Монгол Улсын Ерөнхийлөгч Ц.Элбэгдорж Булган аймгийн шүүх, прокурорын ажилтай танилцлаа PDF Хэвлэх И-мэйл
Хэрэглэгчийн үнэлгээ: / 9
МууМаш сайн 
Бичсэн Administrator   
2011 оны 3-р сарын 09, Лхагва гариг, 18:05

Монгол Улсын Ерөнхийлөгч Цахиагийн Элбэгдорж 2011 оны 03 дугаар сарын 09-ны өдөр Булган аймагт ажиллаа. Үйл ажиллагааны эхэнд Булган аймгийн Шүүх болон Прокурорын  үйл ажиллагаатай  танилцан нийт шүүгч, ажилтнуудтай уулзлаа.  Аймгийн шүүхийн Ерөнхий шүүгч Ё.Бямбацэрэн шүүхийн өдөр тутмын үйл ажиллагааны талаар танилцуулав. Ерөнхийлөгч Ц.Элбэгдорж аймгийн шүүхийн шүүх хуралдааны танхим болон хүүхдийн өрөө, мэдээлэл лавлагааны албаны үйл ажиллагаатай биечлэн танилцлаа. Шүүхийн мэдээлэл лавлагааны алба болон шүүхийн вэб сайтыг иргэдэд хүртээмжтэй, түргэн шуурхай мэдээлэл өгч байгааг сайшаалаа. Тус шүүхийн вэб сайтыг  бусад аймгуудын шүүхийн вэб сайттай харьцуулахад иргэдийн хандалт өргөн  хурд, зохион байгуулалтын өндөр  түвшинд сайн ажиллуулж байгааг онцлон дүгнэлээ. Эцэст нь  Монгол улсын Ерөнхийлөгч Ц.Элбэгдорж хэлэхдээ: “Хууль хяналтын байгууллагын үндсэн үүрэг нь иргэний эрх ашгийг хамгаалах явдал юм. Өөрөөр хэлбэл шүүхийн шийдвэр нь хуулийг зөрчихгүй байгаа энгийн олон хүний эрхийг хамгаалж байна гэсэн үг. Тийм учраас та бүхний шийдвэр хуулийн дагуу хүний эрхийг хүндэтгэсэн зөв шударга байх ёстой. Та бүхний шийдвэр ийм гарч байгаа гэдэгт олон нийт ч итгэл дүүрэн байх ёстой. Шүүх үйл ажиллагаагаа ил тод байлгана гэдэг туйлын чухал юм” гээд цаашид шүүгчийн ажлын ур чадвар, шүүн таслах ажиллагааг өндөр түвшинд хүргэж, ил тод, үнэн зөв, хурдан шуурхай шийдэж байхыг захилаа.

 
Аймгийн Цагдаагийн хэлтсийн офицер, ахлагч нарт сургалт зохион байгуулав PDF Хэвлэх И-мэйл
Хэрэглэгчийн үнэлгээ: / 5
МууМаш сайн 
Бичсэн Шүүгч Л.Дарьсүрэн   
2011 оны 3-р сарын 04, Баасан гариг, 19:30

2011 оны 3 дугаар сарын 3-ны өдөр Сум дундын шүүхийн шүүгч Л.Дарьсүрэн шүүгчийн туслах Х.Баттогтохын хамт “Авлигын тухай ойлголт” сэдвээр Аймгийн Цагдаагийн хэлтсийн 40 гаруй офицер, ахлагч нарт сургалт зохион байгуулж, сургалтын сэдвийн хүрээнд тест боловсруулж шалгалт авсан байна.

Сүүлд шинэчлэгдсэн: 2011 оны 3-р сарын 04, Баасан гариг, 19:53
 
Ерөнхий шүүгчийн захирамж гарлаа PDF Хэвлэх И-мэйл
Бичсэн Administrator   
2011 оны 3-р сарын 04, Баасан гариг, 17:03

Булган аймгийн шүүхийн ерөнхий шүүгчийн 2011 оны 02 дугаар сарын 10-ны 01  дугаартай “Шүүгч, ажилтны ажлын зохион байгуулалтыг дээшлүүлэх тухай” захирамж гарлаа.

Энэ захирамжинд шүүгч ажилтнуудын хувийн зохион байгуулалтаа өндөржүүлж, ёс зүйн зөрчил гаргахгүй, ажил хэргийн мэдлэг, мэргэжлийн ур чадвараа дээшлүүлэн өндөр түвшинд хүргэх зорилтыг хэрэгжүүлэхийн тулд

1. Хувийн зохион байгуулалтын хүрээнд

2. Ёс зүйн хэм хэмжээг сахих хүрээнд

3. Ажил хэргийн мэдлэг, мэргэжлийн ур чадвараа дээшлүүлэх ажлын хүрээнд ажлууд зохион байгуулахыг нийт шүүгч, ажилтнуудад үүрэг болгосон байна.

Шүүгч, ажилтнуудаас иргэдэд үзүүлэх үйлчилгээг хуулийн хүрээнд хүртээмжтэй, шуурхай чирэгдэлгүй хүргэх талаар бодитой ажил зохион байгуулж, тодорхой ахиц гарган ажиллахыг Тамгын хэлтсийн дарга М.Даваасүрэн, Сум дундын шүүхийн ерөнхий шүүгч С.Цэрэндулам нарт хариуцуулсан байна.

Мөн ерөнхий шүүгчийн 02 дугаар захирамжаар “Шинэ шүүх, шинэчлэгдсэн шүүгч” уриан дор эрх зүйн соёлын аяныг нийт шүүхүүдийн хүрээнд зохион байгуулах хөтөлбөрийг өөрийн шүүх дээр хэрэгжүүлэх бэлтгэл ажлыг зохион байгуулах, түүний хэрэгжилтэнд хяналт тавьж ажиллах ажлын хэсгийг

М.Даваасүрэн  /Тамгын хэлтсийн дарга/  - ажлын хэсгийн дарга

С.Цэрэндулам  /СДШ-ийн ерөнхий шүүгч/ - ажлын хэсгийн орлогч

С.Цэцэгмаа      / Аймгийн шүүхийн шүүгч/  - гишүүн

Б.Мөнхжаргал  / ЗХШ-ийн шүүгч/ - гишүүн

Т.Бадрах /Аймгийн шүүхийн шүүгчийн туслах/ - гишүүн гэсэн бүрэлдэхүүнтэй байгууллаа. “Шинэ шүүх, шинэчлэгдсэн шүүгч” уриан дор эрх зүйн соёлын аяныг нийт  шүүхүүдийн хүрээнд зохион байгуулах хөтөлбөрийг шүүгч, ажилтан бүр сайтар судлан, өөрсдийн үйл ажиллагаанд хэрэгжүүлэх төлөвлөгөөг  4 дүгээр сарын 01-ний дотор боловсруулан батлуулж, хэрэгжүүлэх арга хэмжээ авахыг үүрэг болгосон байна.

Сүүлд шинэчлэгдсэн: 2011 оны 3-р сарын 04, Баасан гариг, 17:15
 
Орон нутгийн 7 хоногийг тойм мэдээ PDF Хэвлэх И-мэйл
Бичсэн Administrator   
2011 оны 3-р сарын 04, Баасан гариг, 17:00

Булган аймагт 2011 оны 03 дугаар сарын 05-ны өдөр “Хангайн бүсийн хурдан морины уралдаан” зохион байгуулагдана. Энэ уралдааны бэлтгэл ажил үндсэндээ  хангагдаж дууссан байна. Хурдан морины уралдааны зам засах ажлыг 2011 оны 02 дугаар сарын 28-ны өдөр гүйцэтгэж дууссан байна.

Эмэгтэйчүүдийн холбооны мэдээлэл: Тус холбооны тэргүүн н.Оюун ОУ-ын Эмэгтэйчүүдийн өдрийг хэрхэн тэмдэглэх талаар мэдээлэл хийв. Аймгийн эмэгтэйчүүдийн холбоо нь уламжлал ёсоор Булган аймгийн  2011 оны шилдэг 9 ээжийг шалгаруулах ёслолын ажиллагааг 2011 оны 03 дугаар сарын 07-ны өдрийн 12 цагт аймгийн “Театр киноны хүрээлэн”-д зохион байгуулахаар төлөвлөжээ. Энэ үйл ажиллагааны дараа МУГЖ Б.Баасанжавын “Миний сайхан ээж”-үүд урлагын тоглолт хийх юм байна.

Хүүхдийн төлөө хэлтсийн мэдээлэл: Хүүхдийн төлөө хэлтсийн дарга н.Оюунбилэг тус төвөөс зохион байгуулж байгаа 2011 оны 03 дугаар сарын 07-ны өдөр болох “Охин үрээ хайрла” урлагын тоглолтын талаар мэдээлэл хийлээ. Энэ  тоглолтонд авъяаслаг ээж охидууд оролцохоор сонгогдсоны дотор хууль хяналтын байгууллагын эмэгтэйчүүдийг  төлөөлөн Булган аймгийн Сум дундын шүүхийн шүүгч Н.Нарангэрэл охины хамт оролцохоор болжээ.

Сүүлд шинэчлэгдсэн: 2011 оны 3-р сарын 04, Баасан гариг, 17:24
 
Ерөнхий шүүгчид, Тамгын хэлтсийн дарга нэгдсэн зөвлөгөөний талаарх мэдээлэл хийв. PDF Хэвлэх И-мэйл
Бичсэн МЛА-ны ажилтан Б.Дөлгөөнболд   
2011 оны 2-р сарын 24, Пүрэв гариг, 19:15

2011 оны 02 дугаар сарын 14-16- ны өдрүүдэд болсон Анхан , давж заалдах шатны болон дагнасан  шүүхийн ерөнхий шүүгчид, Тамгын хэлтсийн  дарга нарын нэгдсэн зөвлөгөөнд аймгийн шүүхийн Ерөнхий шүүгч Ё.Бямбацэрэн, Сум дундын шүүхийн Ерөнхий шүүгч С.Цэрэндулам, Тамгын хэлтсийн дарга М.Даваасүрэн  нар оролцоод ирлээ. 2011 оны 02 дугаар сарын 22- ны Мягмар гаригийн мэдээлэл дээр зөвлөгөөнөөр яригдсан асуудлууд  болон хийж хэрэгжүүлэхээр  тусгагдсан  ажлын талаархи мэдээллийг нийт ажилтнуудад танилцуулав.

Аймгийн шүүхийн ерөнхий шүүгч Ё.Бямбацэрэн  Үнэнч шударга, төвч шулуун, хөдөлмөрч, чадварлаг  бүтээмжтэй, мэдрэмжтэй, шуурхай, төлөв даруу, тэвчээртэй, зоримог, хариуцлагатай, айлгахгүй, алагчлахгүй ,найр тавихгүй ,сөрөг сэтгэлээр хандахгүй ажиллахыг нийт ажилтан албан хаагчиддаа анхаарууллаа.

Сүүлд шинэчлэгдсэн: 2011 оны 3-р сарын 02, Лхагва гариг, 00:38
 
Ярилцлага нийтлэгдлээ PDF Хэвлэх И-мэйл
Хэрэглэгчийн үнэлгээ: / 2
МууМаш сайн 
Бичсэн Administrator   
2011 оны 2-р сарын 24, Пүрэв гариг, 12:15

 

Булган аймгийн шүүхийн ерөнхий шүүгч Ё.Бямбацэрэн:

Шүүх ил тод байх нь шударга ёсны илрэл болно.

 

- Сая нийт шүүхийн ерөнхий шүүгч, Тамгын хэлтсийн дарга нарын нэгдсэн зөвлөлгөөн Улаанбаатар хотод болж өндөрллөө. Энэ зөвлөлгөөнөөс бодлогын ямар зорилго дэвшүүлсэн бэ?

- Нэгдсэн зөвлөлгөөн амжилттай болж өнгөрлөө. Шүүхийн байгууллагын цаашдын зорилго бол шүүн таслах ажлын чанар, үр нөлөөг цаг ямагт чанаржуулж хэвшүүлэх, ард иргэдэд чирэгдэлгүй шуурхай, голч байр сууринаас үйлчилгээ үзүүлэх явдал болж байна.

- “Монголын шүүхийн шүүгч, ажилтнуудын шударга ёсны тунхаг” гарсан байгаа. Тунхаг гарсны ач холбогдол юу байна?

Сүүлд шинэчлэгдсэн: 2011 оны 3-р сарын 04, Баасан гариг, 19:55
 
2011 оны 1, 2 дугаар сарын шүүн таслах болон бусад ажлын талаарх мэдээлэл PDF Хэвлэх И-мэйл
Хэрэглэгчийн үнэлгээ: / 1
МууМаш сайн 
Бичсэн Administrator   
2011 оны 2-р сарын 22, Мягмар гариг, 17:19
Нэг. Шүүн таслах ажлын хүрээнд

Аймгийн давж заалдах шатны шүүх эхний 2 дугаар сарын  байдлаар эрүүгийн 9,  иргэний 7 хэрэг хянан шийдвэрлэв.

Аймгийн захиргааны хэргийн шүүх нь 6 нэхэмжлэл, хэрэг хүлээн авч 2 хэрэг шийдвэрлэж,  2 нэхэмжлэлийг хүлээн авахаас татгалзаж,  2 нэхэмжлэлд хэрэг хянан шийдвэрлэх ажиллагаа хийж байна.

Сум дундын шүүх нийт 177 иргэний нэхэмжлэл хүлээн авч, 15 нэхэмжлэлийг хүлээн авахаас татгалзаж, 5 нэхэмжлэлийг нэхэмжлэгчид буцаан, харъяаллын дагуу шилжүүлсэн байна. 105 нэхэмжлэл хянан шийдвэрлэж, Одоо 52 иргэний хэргийн үлдэгдэлтэй байна. Эрүүгийн 35 хүнд холбогдох 26 хэрэг хүлээн авснаас 1 хэргийг нэмэлт мөрдөн байцаалтанд буцааж, 19 хүнд холбогдох 17 эрүүгийн хэргийг хянан шийдвэрлэж, одоо 7 хэргийн үлдэгдэлтэй байна. Нийт 18  хүн ял шийтгүүлсэнээс 14 хүнд хорих ял оноож, 1 хүний хорих ялыг тэнсэж хянан харгалзаж,  14 хүнд оногдуулсан хорих ялыг биечлэн эдлүүлэхээр шийдвэрлэсэн. Мөн 3 хүнд  баривчлах ял оногдуулжээ.  Шүүх өөрөө болон эрх бүхий байгууллагаас шилжүүлсэн, Захиргааны зөрчлийн 12 материал хянан шийдвэрлэж, 9 хүнд баривчлах, 3 хүнд 35000 төгрөгийн торгох шийтгэл оногдуулсан байна.

Мөн Хорих байгууллагын санал, Прокурорын дүгнэлтээр ялтныг хугацаанаас өмнө тэнсэн суллуулах, дэглэм бууруулах,  хуульд нийцүүлэн ял хасуулах зэрэг 19 материал хүлээн авч хянан хэлэлцэж, 4 ялтны эдлээгүй үлдсэн ялаас нь хугацааны өмнө тэнсэн суллаж, 14 ялтны ял эдлэх дэглэмийг бууруулж, 1 ялтаны эдлэх ялыг гянданд эдлүүлэхээр  шийдвэрлэсэн байна.

Сүүлд шинэчлэгдсэн: 2011 оны 2-р сарын 22, Мягмар гариг, 17:31
 
Бусад мэдээллүүд...
<< Эхлэх < Өмнөх 81 82 83 84 85 86 87 88 89 90 Дараахи > Төгсгөл >>

Хуудас 94-с 90
BizNetwork 

танилууддаа түгээх